منتــدى عـش لـكــلام

منتــدى عـش لـكــلام

بيت عشاق الحرف
 
الرئيسيةاليوميةالتسجيلدخول

شاطر | 
 

 بـــــــــــلادي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنعيسى الحاجي
المدير العام


عدد المساهمات : 251
تاريخ التسجيل : 26/03/2011

مُساهمةموضوع: بـــــــــــلادي   الأربعاء مايو 18, 2016 8:01 pm

بـــــــــــلادي
1

بــلادك هي بــــــــلادي
وحنــا فيهـــا جيـــــران


بـر وبحـر وميـاه الـــوادي
الشمش ولهـوا مُتعَة ف كل مكان

وطىَ وجبال والطير الشاذي
وعيون صاينة ديرها ف الحسبان


نحيـا ونعيـش يتحقق مـرادي
أمن وآمان ف تراب الوطـن


يسرح ويروح فيه العادي والبادي
راحـة شاملـة ذكـور ونسـوان
ــــ ــــ
 ــــ
الرجوع الى أعلى الصفحة اذهب الى الأسفل
http://zajal.1talk.net
بنعيسى الحاجي
المدير العام


عدد المساهمات : 251
تاريخ التسجيل : 26/03/2011

مُساهمةموضوع: رد: بـــــــــــلادي   الإثنين يوليو 04, 2016 6:43 pm

بـــــــــــلادي
2


وانت يا جاري يا أحلى جـار 
شوف مزيان تمعّـن ورد البـال 


بحال لمدينة بحال الـدوار 
مَا وضوْ وتطبيب مريَح البـال 


لقرايَة واصلـَة لـّكبار والصغـار
و محاربة الأميَة عند النساء والرجال
 
أنـا وانـت نهتـف ونـّـادي 
وجميــع النـــاس


 نســـاء رجــال وشبّـــان 
قـُـرى مُـدن وبــوادي 


واخوانـا لمهاجريـن الوطـن
تحيـــا بـلادنـا وتعيــــش


 وحــــب الـتـراب ينـــادي 
ويسلم جمالها من عين العديان 


ـــــ ـــــ 
الرجوع الى أعلى الصفحة اذهب الى الأسفل
http://zajal.1talk.net
بنعيسى الحاجي
المدير العام


عدد المساهمات : 251
تاريخ التسجيل : 26/03/2011

مُساهمةموضوع: رد: بـــــــــــلادي   الثلاثاء ديسمبر 13, 2016 10:03 am

بــــــــلادي 
3

هي بـــــــــلادك 
وحتى هي وهو وأنا بلادي 
نحكي ونمجّد ونرد على جوابك 
صورة لبلاد يغلـّوها ولادك وو
ْلادي

 
اسمع يا سيدي ورد بالك 
بلادنا عاليَة ف سماهـا 
وحبها ف جميع لقلـوب 
الطبيعَة يا محلاها 
والخير فيها موجود 
وتادها جبال يا معلاها 
والما صافي مكبوب 
غابات وفدادن ف بهاهـا 
ترابهـا غالـي محبوب 

تسارا وحوّم ف سماهـا 
حصد وخرّف فاكيَة وحبوب 
وتشافا بدوا ماهـا
سيدي حرازم ومولاي عقـوب 
وبين لبحور تم تلقاها
اسم ونسب وعنوان مكتوب 
هي بلادنا دمْنا فِـداها 

تمتع بالنظرَة ف جمالها المحبوب 
فوّج وجدّد النظرَة يا محلاها
وبالفن تنغم ايلا كنتِ موهـوب 
عيوط من كل جهَة شانعَة بغناها 
دنيا ودين ميزان لقلوب
والقدر به نحيا ونعيش ف مجراها 
بعون الله تنجى من ريح لعيوب 

غاليَة وحب الرمل زاد ف غلاها 
المسيرَة كانت لمّة ف رسمها ونشاها 
صنعَة وإبداع وتيسير ف ملقاها 
الصحراء بلادنا والمغرب هو مولاها 
يحفظها ربي بقدرتـُو ف أرضها وسماها
ــ ــ ــ
تابع
الرجوع الى أعلى الصفحة اذهب الى الأسفل
http://zajal.1talk.net
بنعيسى الحاجي
المدير العام


عدد المساهمات : 251
تاريخ التسجيل : 26/03/2011

مُساهمةموضوع: رد: بـــــــــــلادي   الخميس ديسمبر 15, 2016 3:55 pm

بـــــــــــــلادي
4


قطران بلادي وْلـَى عسل البلدان 
فيها حبابي واهلي أصلي وجْدادي 
فيها الغابَة والعرصَة والفدان 
ولهوا بين لجبال يوفي بمرادي 


الما شلال عيون ضايات ووديان 
الربيع اخضر ديمَا والطير الشادي 
ما حلاك يا بلادي بر وبحر وشطآن 
سدود ماها نافع لفلاحَة ف لبوادي 


وشــــلا منابــع سايلـَــة وديــــان 
نبدا بواد سبو على دشرنا زايد وغادي 
واد ورغـَة حتى هو نديرُو ف الحسبان 
واد اناون لوكس وبورﯕـراگ قاصدين الهادي 


سيد الشاهد ضاية عوّة وما بوفكران
واد ملويَة ، أم الربيـع أ ُواد سـوس
واد درعَة واد لكسب أ ُواد نـﯕــــور 
تانسيفت واد زيز نذكرهم بالفــرّادي


جنانات وعراصي وشحال من فدان
كل واد وربيعـُو منـُو لعوين وزادي 
واد اميني ، أوريكـا ، أ ُواد بهت 
واد دداس ، أ ُواد لاوْ ، واد تامير أ ُواد ردم 
زايدين ف ماهم على لـْقدر العـادي 


فلاحة بلادنا نعمَة وبزايد خيـر
خـوخ تفـاح بنـان ورمان 
واحْواض النعناع ترقص على انغام الطير
تيـن وزيتون وعنب بلادي باين ويبان


فلاحتنا شادّة ف حبل التجديد والتطوير 
سوقها عامر والسوم لايـق مزيان 
وتراب لبلاد غالي ما ليـه تقديـر 
محبتـُو زايدَة قوّة وتزيد ف قلب كل إنسان
ـ ـ ـ ـ ـ ـ 
يتبع
الرجوع الى أعلى الصفحة اذهب الى الأسفل
http://zajal.1talk.net
بنعيسى الحاجي
المدير العام


عدد المساهمات : 251
تاريخ التسجيل : 26/03/2011

مُساهمةموضوع: رد: بـــــــــــلادي   السبت ديسمبر 17, 2016 2:43 pm

بـــــــــلادي
5

هكـذاك ياعمي حسينـه
مرة مرة
فكـّرنا ف اللي نسينـا 
شحال لعبنا وشحال جرينـا
وتراب لبلاد فيه تربينا


بعينينا شفنـا ،هدرنا ودْوِينـا 
ولوّكنا اللسان 
وتعلـّمنا نمشيوا كيف بغينا
ف بلادنـا وحْنـا شبـان
عبارنـا حققنـاه بيدينـا 
حطينـا الصروف ف لميزان 


نهـار غـدّا به فرحنـــا 
وقرينا بحب نشيد الوطن 
حنا وهلنا وحبابنا 
فرحنـا وعبّرنا بلسـان 
ف لمدينـَة والقريَة ﯕلنـا 
حياتنا فيداك يا تراب الوطن
ــ ــ ــ
يتبع
الرجوع الى أعلى الصفحة اذهب الى الأسفل
http://zajal.1talk.net
بنعيسى الحاجي
المدير العام


عدد المساهمات : 251
تاريخ التسجيل : 26/03/2011

مُساهمةموضوع: رد: بـــــــــــلادي   الأربعاء ديسمبر 21, 2016 9:42 pm

بــــلادنــا 
6



بلادنــــــا بتراثهــا غنيــــــــــــة
وجمـال فنهـــــا لايــــق بهــــــا 



عادات وتقاليد ف شونها محضيَـة
كل جهَـة مولوعَــة باللـي فيهـــــا 



لحكايَة والحجايَة والأمثال الشعبيَــة
لقوافـي ولعيـوط كلها ومعانيهــا



من مكناس نبدا ف هاذ الجولة الفنيـة 
بقصيدة الملحون واش ﯕال التولالي فيها 

....
...
الرجوع الى أعلى الصفحة اذهب الى الأسفل
http://zajal.1talk.net
 
بـــــــــــلادي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــدى عـش لـكــلام :: منتدى الشعـر الشعبـــــــي :: الـزجـــل-
انتقل الى: