الـزجـل
صفحة 1 من اصل 1
الـزجـل
من طرف بنعيسى الحاجي الأربعاء مايو 18, 2016 7:54 pm
الـزجـل
...
.. ..
الزجل كلامو شعر مشي عادي
ناس زمان فيه ﯖالوا قيل وقال
واقلام سالت بمداد جمع وفرّادي
عكـّات بزايد جهد جواب وسؤال
اختارت منـّو الشانع ﯘف القول بادي
يضَحّك ويبَكي بنقايمو نشِيد وموّال
لمغني بالملحون سرابتو غاية ف بلادي
العيطة شنعة وامثالها منهم شحال
المرصاوي والحوزي ولسان زعير ينادي
العبدي والملالي وشيوخ الصحرا ف البال
اهل سوس والحساني ولامازيغ ماهو عادي
وع لمجدوب في مكناس وسيدي قدور سوّل وسال
الغرناطي وفن الرّاي وانواع القول عند الوجدي
بوح الريف والطقطوقة ف ناحية الشمال
هيت الغرب والحسناوي فيه مرادي
لمقوفي حمّادة وهوكش يا من سال
كلام بالمعنى معجون عند الجاي والغادي
وعروق الزجل ف تراب الوطن شحال طوال
///ــــــــــــ///
بنعيسى الحاجي- المدير العام
- عدد المساهمات : 298
تاريخ التسجيل : 26/03/2011 -
بنعيسى الحاجي يعجبه هذا الموضوع
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى