منتــدى عـش لـكــلام
منتــدى عـش لـكــلام
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عـش لحمــــــام

اذهب الى الأسفل

عـش لحمــــــام Empty عـش لحمــــــام

مُساهمة من طرف بنعيسى الحاجي الأربعاء سبتمبر 20, 2017 9:18 am

عـش لحمــــــام


سرقت الشوفـَة ف الظلام 
وغطيت الكلمَة بظلهـا 
حرت بين السكتـَة ولكلام
واش من دفـّه ندقهــا

جاني اجْواب ف لمنام 
حمامَة ناعسَة ف عشها
ف مسرابها شـلا يـَـام 
وانـا باغي نغلهـا 

نـَشيتها بقطيب لكـلام 
جَنّـْحَت ونفضَت ريشهـا
شعّـَلت الضو ف الظلام 
وسولت على هدير ديْها

ﯕالوا لي من ﯕنس لحمام 
وماشي ساهل تشدها
صبَغت جناحي بليدام 
وﯕلت لخاطري طيعها  

غيَرت المشيَة بالنظام 
و زدت ف القتـّـَة عودها 
بنيت وعليت لمقام 
وشحال من سبّـَة درتها 

شمّرت وطويت لكمام 
واللي ما عندي عرتها 
فرفرَت وطارت ف لغيام 
وخلات يمارَة ف عشهـا

بالمعنى ﯕالـت صوم عام 
و نكون ف الدِّيـَة خديمها 
شحال ﯕدني ما نكايد بجهدي ف سوق ليام 
ويلا أنا صمت عام واش تكسيني بريشها 

ــ ــ ــ

بنعيسى الحاجي
المدير العام

عدد المساهمات : 294
تاريخ التسجيل : 26/03/2011

https://zajal.1talk.net

بنعيسى الحاجي يعجبه هذا الموضوع

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى