منتــدى عـش لـكــلام

منتــدى عـش لـكــلام

بيت عشاق الحرف
 
الرئيسيةاليوميةالتسجيلدخول

شاطر | 
 

 علـى الـنبــــر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنعيسى الحاجي
المدير العام


عدد المساهمات : 251
تاريخ التسجيل : 26/03/2011

مُساهمةموضوع: علـى الـنبــــر   الخميس نوفمبر 16, 2017 8:13 pm

على النبــــر


بغيــت حتـى أنا نعلــى 
ونمشـي براسي مهــزوز
يزيـان حالـي ونتسلـّى 
يصبـح خيالي ديما معزوز

بغيـت حرفـي يغـرّد
ويطيـر طيـرة بعيـدة
يرشـم ذاتـُو ويتبـَوْرَد
ويشالـي بنغمَة جديـدة

يْـلا لعـب ما يتحاسـب 
بالعيـن الحارّة لعنيـدَة
ويـلا هبـش ما يتنبـش 
بالكلمَة القاسيـَة الشديـدَة

بغيـت حرفي يمشـي 
بالوفـا معنـّي مرتـاح
يرعـى ف البــر
يغطـس ف لـبحـر 
وينشر ربيعـُو راوي مدّاح
الـبــر ما يقهـرُو
ولـبحـر ما يدعـرُو
كلامـُو واضح بحال البرّاح

بغيـت حتى أنا نحنـّي 
ونرﮜـم زماني بالزواق
نحـرث فـدّان نزرع جنـان
يـﮜرﮜـر لحمـام ويحـوّم ف سما 
نواورُو طافحـَة روايحـُو فايحـَة
ثوت ودالية تفافـح هايلة
خــــــــوخ ورمـــــــــــان 

وتفـوح ذيك لعوينَة لقديمَة
بسـر دافي خامر وافـي
الشتـا تلبس ليـّام
والصابَـة تغطي لـﮜـدام
والسوق اللي كان البارح غمـزة
يصبـح اليـوم كـلام

بغيـت حتـى انـا نقصّــــر 
نسـوس عظامي ونحضّـر
ويـلا زيـــان حالـــي 
ندور ف جنابي ونتمنظر

لمعديـَة تتعـوم بالسّـر
طايشـَة من بـر لبـر 
واللــي فـــرّط كـــرّط 
ف مساربـُو يخســر

واللي ف قيطونـُو استقـر 
تيحلب تيروّب وتيمخض 
من الكرسي داير امهـد
منخـوي شينـَة وزينَــة
محسوبَـة تعاوينـَــة

وعلى النبر قبل تعـلام لفجـر
فقـت تنجـري وتنعثـر
ﮜـال حساسي لراسـي
غيـر هـاذ الشـي ولا اكثـر 

ــ ــ ــ 
ــ ــ ــ
الرجوع الى أعلى الصفحة اذهب الى الأسفل
http://zajal.1talk.net
 
علـى الـنبــــر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــدى عـش لـكــلام :: منتدى الشعـر الشعبـــــــي :: الـزجـــل-
انتقل الى: