منتــدى عـش لـكــلام

منتــدى عـش لـكــلام

بيت عشاق الحرف
 
الرئيسيةاليوميةالتسجيلدخول

شاطر | 
 

 توسيـــدة

اذهب الى الأسفل 
كاتب الموضوعرسالة
بنعيسى الحاجي
المدير العام


عدد المساهمات : 305
تاريخ التسجيل : 26/03/2011

مُساهمةموضوع: توسيـــدة   الخميس سبتمبر 27, 2018 10:35 pm

توسيـــدة
زوج زجالين متجاحدين
 
بنعيسى الحاجي
21/10/2012
1
.
1ـ أنـا بغيت نكتـب
وحتى شي حد ما شغلو فيا
نبنـي ولى نريّـب
ولى نشيَد قصور بكلامي ف العامية
وعــلاش انت كتستغْـرب
وشـاد الهـدرة فـيـا  
.
1ـ انا بغيـت ـ ـ ـ
نسخـّر عقلي يفتـّش ويقلـّب
ف غـوار الـكـون المحميـة
ف منايا غير نفوّج على ذاك القلب
وف جنانات لكلام نخضّر عينيـا
.
1ـ ويلا كنت أنـا باغي
نجني وناكـل ونعمّر لقـراب
ونذوّق كل حبيب عزيز عليـا
واللي ذاق وتلدّد وحلـّى ذاك النـّاب
وبجوابُـو شاكـر رد عليـا
مجاملني ولى صادق
آش دخلك انت ف اللي كنكتب
كتفرز شينو من زينو وتلاحض عليا
.
1ـ ونفرضو حتى يلا كان لكـلام
عنـدي ف بنيه معرﯖـب
والنظرة فيـه كتبان ماعليـا
واللي شـاف ومسّـق
.
كان صديق ولى حبيب من لحباب
وبغا يعظـّمْني فيـش منـُو ويكبـّر بيا
كيف تيْديرُو بيناتهم بعض لصحاب
علاش انت وحدك ساير تنقـد فيا
.
يتبع

ـ ـ ـ
الرجوع الى أعلى الصفحة اذهب الى الأسفل
http://zajal.1talk.net
بنعيسى الحاجي
المدير العام


عدد المساهمات : 305
تاريخ التسجيل : 26/03/2011

مُساهمةموضوع: توسيـدة   الجمعة سبتمبر 28, 2018 3:30 pm

توسيـدة
زوج زجالـين متجاحدين
 2

2ـ ايوا سمع يا لدّاخل لسوق العاميـَة..
احضي راسك ف لمشرَى من غير الكسّاب
ما تغرّك ف النظرة هضرة مدرجة دونية
وهدير سايب منعوت وتقرقيب الناب

 ويَاك تهدف بفحولة مسليَة
وتدق بخمس بنانك ف دفة الباب
العامّية شعر عظيم نظم وقافية
معدن سومو غالي نقرة وذهب
الكلمـة والحكمة ولمعاني فنيّة
بوح نظمو ثامر ماكلة وشراب
وصنعة ف رﮔيم الصوَر الشعرية
إياك تتزَهْطـَم على حرمتها بدون اسباب

 ويلا بغيتي تدخل لجنانـات العامية
من خريف غلتهـا تجني وْلى تنقــب
وتسارى ف حواض لعراصي حتى هيَ
لازم ف تروام لكـلام تكـون راغــب

ودارك صنــاف اللهجـة الشعبيــة
تحـط كلمة حْـدا كلمة توالم وترَتـّـب
وما تكونش على ﯖنس العايلة برّانِيَة
تبقـى بـﮔومتك حاير تمحي وتشطـّـب

 ولفضيحة هي ايلا خلطتي الفصحى بالعامية
يحضر الفعل والفاعل والمفعول به يطلب النصب
يتغير وجه الصورة والمعنى تعواج حتى هي
تبـان للقـاري باللي العجنة خاصهـا تـّقلـب

 ويـلا ما ذكـّرتيش بالحكمـة معانيها الشعرية 
لقــلام بهواهــا تنقـد فيـك وتعيَـب 
فيهـا ينعتـو ويْوصْفوهـا بالدّونيـة 
وهـاذ الشي علاش أنا ف نظمك سايـر تنعقـّب؟

يتبع
....
....
الرجوع الى أعلى الصفحة اذهب الى الأسفل
http://zajal.1talk.net
بنعيسى الحاجي
المدير العام


عدد المساهمات : 305
تاريخ التسجيل : 26/03/2011

مُساهمةموضوع: توسيـدة   الإثنين أكتوبر 01, 2018 12:41 pm

توسيـدة
زوج زجالـين متجاحدين
3
...
1ـ وأنا بغيتك تصغى وليا تسمع
باللي حتى أنا عـاد بديت نكتب
وكنتعلم شـويـة بشويـة

واش مشـِي من حقـّي نبدع ؟
وف بحـور الكتبة نجـرّب
حَـرْ ذيـك البلية اللاصقـة فيـا

نمهـّل ف لمشي بلا نزرَب
نصبر ونعـدِّي بلا ما نهْرَب
ونبقـى مكـابَر باللي فِيـَا 

واللي مشجّعني بشكـل كبيـر
وزايد لي نشوة ف الـرّاس
هي الرّدُودْ ديال صحابي بعدد كثيـر
كلام وازن حسـّو منسوب لكبار الناس

فيا تشكر بزايد معنى وعقـل كبيـر
لو كان بسيط كلامي أنا ف نظر الناس
ما يطلبوني نزيد نكايد بـلا تقصير
وبالمعنى ندير جهدي ف تعمار الكـاس

ما نتعدا قياس لعبرة فوق التقديـر
ونقطة نقطة آيا لعْشير تفـيَض الكاس
خمّم عفـاك وفكـّر مزيان ف ذاك التسطير
واخ تفركن ف نظم كلامي بعود الوسواس
غير نعرضو ف ركن الزجل يلقى تيسيـر
حب وتقدير والإضافة من عند الناس
وكبيـر الناس بكثرة لغاه ف سوق الغيـر
خصّو ينزل مرّة مرّة للتسلية

كثرة الغوص ف غرق الما بزايد تفكير
لابدة ليه من التفْـوَاج ف كل عشيَة
كثير شي يلا كان 5/5 فاش كان صغير
وعوّال يدير شي علاقة افتراضية
يغرّد ف مناه تغراد الطير
ويسوس عظامو ف شي أمسية

و ليـك انتَ لمفاجـأة خاصهـا تـْﮔـال
نظـم كلامي اللي باين لك شكلـو عيـان
ومضمونو عندك ساهل ما سـوى مثقــال
عليه معـوّل وبه أنا غ نطبع ديــوان

وبـلا ما تطـرح كيف العـادة عليا سؤال
نهـار التوقيع غ يحضر فيه فلانـة وفـلان
وحتى انت آجي تسمع بعدا آش غ يتقــال
تعـرف لكـلام بيعـو وشـراه  ـ  ـ ـ ـ ـ ـ ـ
.ـ ـ ـ ـ ـ ـ ـ ـ ـ واش معينة ولى بالميـزان
.
يتبع
ـ ـ ـ 
الرجوع الى أعلى الصفحة اذهب الى الأسفل
http://zajal.1talk.net
بنعيسى الحاجي
المدير العام


عدد المساهمات : 305
تاريخ التسجيل : 26/03/2011

مُساهمةموضوع: رد: توسيـــدة   الإثنين أكتوبر 01, 2018 12:46 pm

توسيـدة
زوج زجالـين متجاحدين
4

2ــ يالعاشق اسمع لكلامي ورد البـال
مقامك يعلى يلا نظمتي كلامك مزيان
وفحّلتيه صوفة صوفة وغزلتيه بعد القرشال
أما الردود فيها أشكال وبالمعنى كلها ألوان

فيها النافع يتفـدى بالمال
ولمجامل قصدو عيان
أما انا بغيتك صادق ف المستوى تكون زجال
ونياش عتيق ف صيد الكتبة لشانك شان

وانت بالذات ما يخفى عليك
باللي الزجل ليه عشاقـُو
ب لعناية راه مـدوّن
وتاريخـُو ، فيه ما يغـريـك

شحال ما طالـت به المـدّة
تـزاد لـدّة في مـداقـُو
شحال من عاشق صال فيه وجال
واخـْدَا لمعاني من دُور سْواقـُو

وفيه وفيه آيـا لعـشيـر
وباش تسمع أرَا ودنيك
كيف تـْزَرّد كلمة كلمة
وكيف تزمّم ف شـون وراقـو

يتبع
ـ ـ
الرجوع الى أعلى الصفحة اذهب الى الأسفل
http://zajal.1talk.net
بنعيسى الحاجي
المدير العام


عدد المساهمات : 305
تاريخ التسجيل : 26/03/2011

مُساهمةموضوع: رد: توسيـــدة   الإثنين أكتوبر 01, 2018 12:52 pm

توسيـدة
زوج زجالـين متجاحْدين
5

 1ـ وحـتى أنـا عــاد فهمتـك
ع لهتمـام اللي عاطينـي
بغيتيني نكـون بحـالـك
وف درب الكتبة تكون ڭريني

نسـاوي لكـلام وبــه نعجبـك
تقـــرا ما فيه وتشكــرني
باللي يرضي من بوح لسانك
وف غير صوابـي ما تعفيني

حكيم الكلمة باش عرفتـك
وبجـود لكـلام وصيتينـي
قرقبت نابي مضيتي نابــك
وف حب الكتبـة مـا لمْتِِيني


ودابـا أجي يـدي ف يــدك
ف صفحـة بيضا نكتبو ثانـي
حـوز كلامـي نبـوس كلامـك
والعـلاقــة تحيـا ثـانــــي

ف شان الكتبة شاور عقلك
وخـود المعنى من قول لسانـي
يتوحّد لكــلام ف شكلو سالك
نظـم واكتــب بمجاجك هانـي

واش المعمول في نظـرك
ف بحـر اللهجة واش تعاني
ولـى تعـوّل على مجهودك
وتخاطب لمـواج ب لمعانـي

تفتي وتـﮔـول بجهـد لسانـك
وعاشـق لكلام واش يفهمـك
بشكـل الكتبـة اللي ف دماغـك
تصبح حروفـو بحال حروفـك


تعبَـر وتـﮔـول هـا ميزانــي
عبـارك وافـي قــد مقامـك
ويـلا تزهـدَل زيـد حفـانـي
وما تولـي ف حـال سبيلــك

حـب لكـلام شانـو عالـي
وكـل قبيلــة عقلهـا دارك
كــلام لجداد سومـو غالــي
حديث ومغزل ف راحـة بالــك

اللي باين انا ﮔلتـو والمخزون كماه لسانـي
سـر العاهد ما يخطاني والموجود وهبتـو ليـك
يلا خطيت رابح واحد ويلا صبت آجر ثاني
والباقي شغلك انت تاخد فيه راي صحابـك


تابع
ـ ـ ـ
الرجوع الى أعلى الصفحة اذهب الى الأسفل
http://zajal.1talk.net
بنعيسى الحاجي
المدير العام


عدد المساهمات : 305
تاريخ التسجيل : 26/03/2011

مُساهمةموضوع: رد: توسيـــدة   الإثنين أكتوبر 01, 2018 1:30 pm

توسيـدة
زوج زجالـين متجاحدين
6

2 ــ راي صحابي ف شان الزجل....
كيف نقراه وكيف نكتبـُو
شحال من راي فتى فيه وﮔال
اللـي عجبـُو واللي ما عجبـُو

شكل الكلمة يتوَحّد مُحـال
وكيف نكتبـُو واش نكتبـُو
براي واحد يرتاح البال
وكل ﯖـُوَال يقرقب نابو

واش نبداوا ولا مازال
ما قنع لكلام براي صحابو
يلا دركتي رد عليا
وحليبك في حلابـك
وف جوابك شرح ليـَا
واش نكتبـُو أو نكتبـُه

يتبع
ـ ـ ـ
الرجوع الى أعلى الصفحة اذهب الى الأسفل
http://zajal.1talk.net
Simo

avatar

عدد المساهمات : 1
تاريخ التسجيل : 30/11/2018

مُساهمةموضوع: رد: توسيـــدة   الجمعة نوفمبر 30, 2018 2:57 pm

اخي الكريم ممكن نراسلك

تم الإرسال من خلال التطبيق Topic'it
الرجوع الى أعلى الصفحة اذهب الى الأسفل
 
توسيـــدة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــدى عـش لـكــلام :: منتدى الشعـر الشعبـــــــي :: مختارات زجليــــــة-
انتقل الى: