منتــدى عـش لـكــلام

منتــدى عـش لـكــلام

بيت عشاق الحرف
 
الرئيسيةاليوميةالتسجيلدخول

شاطر | 
 

 حگـرة ليــام

اذهب الى الأسفل 
كاتب الموضوعرسالة
بنعيسى الحاجي
المدير العام


عدد المساهمات : 305
تاريخ التسجيل : 26/03/2011

مُساهمةموضوع: حگـرة ليــام    الأربعاء نوفمبر 07, 2018 7:30 pm


حگرة ليــام   

  
آش بك يا ليل مغطي خيال النهار
وشايف سماه طاغي مشحون
يضرب ما يعف بحجر جبالو القاسية
يحرق ما يكف بجمر نارُو الحامية
ينصب احزان ما تخـف
 بحگرة ليـام الفانيـة
ويروح يبات في عبّون مساك

بعلام لعناية يشالـي
لمحلى ديما مضروبة ولفخاخ منصوبة
في لجبال واسهوبـة
مدا من طيور نفرت لعشاش
باحت بهضور قوية واجهت لقدار
مَدا من جباح خـوات
وشهداتها تلاحت في النـار

وانت الليل تبقى ديما ليل
فيك الهيبة فيك لوقـر
فيك الشمعة شقّة القنديل
فيك السر معاشر لعمر
وانت اللجام، انت ساروت لكلام

انت بحر من لحـلام
تخرج فيك لمخبيـة
وتسهر فيك لمربيـة
كتسمع كل مضيوم شاكي
وكتواسي كل محروم باكي
وانا حكايتي منسية يا ليل ...!!
..ضاقت بيا لحـوال
وجيت ليك شاكـي
فاجي عليا هموميفاگد فِيـَا..

ضو الشمعة طفاه شكايا
وضو القنديل حشم من بكايا.
علاش النهار يبقى ديما داق وتادو
وعلاش سومو يعلا مزادو
وعلاش ف ظلامك
 كيطيب رگـادو

وانـت الليل ..... !!
وقتاش تردع هبال النهار
تساوي زمانك بالوفى
 وتفاجي لـقدار
يـزول حجاب اسْكات
ويشالي عـلام لكلام
يتعرّى راسُو للشمـش
ما يبقاش مخزون ديما ف الظلام
....
......



الرجوع الى أعلى الصفحة اذهب الى الأسفل
http://zajal.1talk.net
 
حگـرة ليــام
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــدى عـش لـكــلام :: منتدى الشعـر الشعبـــــــي :: الـزجـــل-
انتقل الى: