يالعاقـــل
صفحة 1 من اصل 1
يالعاقـــل
من طرف بنعيسى الحاجي الأربعاء نوفمبر 01, 2017 7:14 pm
يالعاقل بجوابك
رد عليا
من كثرة الهول
جيت ليك شاكي
بقلبي حبيت
والمعني خان بيا
ضاقت بيا لحوال
فراقـُو عليه نبكي
ضاع الحب
فراقـُو خسارة ليا
ضاعت مني نور لحلام
ضاع ملكي
ف رمش العين
كينال مُرادُو فيا
كيف نغوص ف هذا لبحـر
ضاع فلكي
كيف نصدق
اللي حبيتـُو بالنية
دار غيري حايك غطاه
قطع سلكي
نجبـّر لمقطع
موحال يعود ليا
اليوم الحب يهمل خوه
منـُّو شاكي
علاش يا مزغوب خاطري
لرايك غيرتي
بعد ما حبنا
من فاكهتـُو جنينا
وتهتي ف مسالك وعار
لسبيلهم خضعتي
شحال ما علات الدّرجة
فوقها رجلينا
14/12/92
بنعيسى الحاجي- المدير العام
- عدد المساهمات : 314
تاريخ التسجيل : 26/03/2011 -
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى